陳奕迅《Fear and Dreams》跨年演唱會，昨晚（14日）終於踏入第27場尾場，這晚安歌部分一連揀了五首歌送給歌迷。
演唱會開場前，場外有歌迷不停向進場觀眾派發應援手幅，手幅上寫上「從前沒講，今次要說多謝你」後面是《天下無雙》歌詞，於Talk位時，全場近萬人舉起手幅，有人吹哨子，Eason嚇一跳，反問：「小息完？係咪我阿媽？我媽好鐘意帶個吹BB出街，我媽來㗎應該？唔係咩？咩料，咩嚟㗎？老老實實我散光…」接着他望向手幅，問大家上面即的人「嗰個邊個來㗎？欣宜來㗎？下，我來㗎？我以為欣宜同我講多謝你…哈哈。又浪費埋咁嘅錢，OMG， OMG ，多謝你哋…..，我好似去左藍球場咁，好震憾，哎也…我想拍低佢….」歌迷大叫話: 「一齊唱呀！」接著現場有歌迷大吹三下口哨，全場即萬人一齊大合唱《天下無雙》唱給Eason聽，場面非常感人。台上的Eason被感動得強忍淚水，到大家唱到最後幾句，他示意叫觀眾停讓他自己唱 : 「一世慶祝整個地球上，益個背影但和你碰上，想說你知整個地球上，無人可使我更想奔向。」
安歌部份，Eason按他27年來的出歌順序，先是選唱了2022年推出的《人啊人》，現場版讓所有人雞皮疙瘩，他選唱了《暴殄天物》，跟大家說很希望大家可以做多一點，環保一下，不要暴殄天物。其後歌迷狂叫安歌，Eason笑道，「唔駛講咁多嘢，我已經設計好左。」繼而響起《大個女》音樂，台下女兒康堤，即時淚崩，邊聽邊抹眼淚。
歌曲完畢，Eason窩心向女兒做了一個心形手勢，再道，「我到48歲，有不少新體驗，不知何時開始喜愛上「承傳」兩個字，最好係一些好嘢，希望可以承傳下去給下一代，唔好嘢都會出現，希望佢地學到咩叫好，咩叫唔好。其實做人真係唔駛諗太多，只要你用個心現，真誠分享，有愛就好。」他又坦言自己是有少少私心選唱這歌，「我剛好有下一代，亦有上一代，我有咁好生活，咁好條件去做自己喜愛的工作，都係因為我上一代，所以以下呢歌，我想送比所有的上一代及大家。呢首歌聽說亦係『最多人渴望我的演唱會歌曲』，送俾辛辛苦苦為我哋做左好多嘢嘅上一代，送埋比你哋《單車》。」他特意向有來支持的父母說：「我愛你爸爸媽媽。」然後低聲道，「咁我都愛我老婆，哎也唔好講啦 …..佢哋唔興呢味，太肉麻。哈哈…..」這時有歌迷再大叫《人來人往》Eason話，「你今日真係好好彩，我真係揀左呢首。寫呢隻歌作曲人係到，佢聽到這些掌聲一定好開心，多謝你陳輝揚先生，如果你拍得大力啲 ，分分鐘林夕都聽到！」
最後，Eason揀了《歌頌》一曲為演唱會作結，他說自己1995年，第十四屆得新秀歌唱比賽冠軍，27年來音樂路上遇到很多出色音樂人，遇到很 多好朋友，每一位作曲填詞人，編曲人監制，錄音師，所有唱片公司宣傳推廣的朋友，他都想多謝他們。沒有他們，他什麼也不是，「冇左佢哋，我哋今晚係一個talk show ，冇歌，冇野好唱，所以我要好好向他們致敬，希望大家同我一齊俾多些掌聲他們。」全場拍手分多鐘。而他唱《歌頌》亦似感動得強忍淚水。
昨晚梁漢文、劉浩龍、許廷鏗、AGA（江海迦）、林家謙、導演彭秀慧、關智斌、湯怡、麥秋成、蘇麗珊，鄧建明，作曲人陳輝陽 ，台灣填詞人陳小霞、C allstar 釗峰、鄭希怡一家三口等等亦有到場支持。
