陳慧敏昨晚（16日）在藝術中心舉行《「趁我們還有__ 」陳慧敏個人音樂會》，在「趁我們還有__ 」的間線上，慧敏哥填上「角色、好奇心、選擇、情緒及自我認同」這五組詞彙，亦以此貫穿整個音樂會。在獻唱《浪》一曲時，她回憶起做這首歌時沒有Budget，一個人去雲南，坐在木船上，攞住航拍機拍攝，豈料失靈，航拍機差點掉了落海，「結果喺淘寶用800蚊，淘咗個師傅過嚟幫我拍呢個MV，拍完返嚟自己用iMovie去剪個MV，之後做埋封面設計，再Upload上YouTube，自己去做宣傳。好多開心、辛酸，但都發現自己如果唔係呢啲考驗，都唔知自己原來可以做到咁多嘢。」
慧敏哥演繹《自救》之前，部白心聲：「我唔係一個好識講嘢、表達嘅人，有時甚至會用沉默表達自己，喺過往唔同嘅關係入面，我都有受傷過，但同時亦有令人受傷過，對於一啲逝去嘅愛情，我好希望我可以原諒別人，亦都原諒自己，因為我知道只有真正識得去自愛，識得錫自己，先可以真真正正自救。」
去到尾聲，慧敏哥感謝好友及樂迷接受她的不完美，自知經常橫衝直撞，好似唔知驚，但其實有許多脆弱時刻，幸好擁有好多愛，提醒她：「我自己一直都係好叻、好靚，一直好努力去成為自己。」
更多現場圖輯：
部分圖片來源：大會提供