王家衛擔任總監製及執導的電視劇集《繁花》上周在無綫首播，因為只設普通話及上海話雙語播放，沒有廣東話配音版本，惹來熱議，亦有指此舉會「趕客」，無綫昨日（12日）公布翡翠台上周收視，《繁花》首播最高收視19點、吸引124萬觀眾收看。《東張西望》報道「婆婆有屋唔住霸後樓梯」，跨平台直播收視最高25.4點（165萬觀眾），蟬聯收視榜首。《愛‧回家之開心速遞》最高收視22點（143萬觀眾）、《家族榮耀之繼承者》最高收視24.2點（157萬觀眾）、《拍檔廚房》上周首播，最高收視12.5點（81萬觀眾）。周六晚《譚輝智FIGHT FOR YOU演唱會》最高收視14.6點（95萬觀眾）、《福祿壽訓練學院》最高收視16.3點（106萬觀眾），《芷珊約您》最高收視13.2點（86萬觀眾）。
無綫總經理曾志偉昨日出席活動，為《繁花》以普通話及上海話雙語播放解畫，志偉說：「呢個係我極力支持王家衛導演嘅建議，因為佢好希望原汁原味播出，大家都知王家衛喺國際間，係一位咁出色嘅導演，今次咁難得去製作一齣電視作品，佢打嚟問可唔可以播上海話版本，我哋曾經向政府申請過，但政府話唔得，我哋嘅頻道唔可以播上海話，普通話可以，所以決定以雙語播放。為尊重王導演原汁原味的想法，所以有咁嘅決定。我哋開會時亦有講到，可能香港觀眾收睇嗰陣會有困難，但我哋覺得係有所需要，令到呢件事更加王家衛。」另外，被問到《繁花》是否外購劇之中最貴的一齣？志偉坦承：「一定係最貴㗎啦！王家衛嘅作品一定係最貴㗎啦！呢個作為喺內地及世界各地都廣受關注嘅作品，無理由香港唔播，所以就算俾多啲錢都係值得嘅！」
更多《繁花》劇照：