前港姐許芷熒（前名許亦妮，Whitney）2019年與圈外男友Alexander Fung結婚，二人育有一名可愛的囡囡「馮寶寶」Kayli Jane Fung，現時Whitney專心在家相夫教女，享受家庭生活。
Whitney昨日在IG分享一段影片，她指想讓馮寶寶欣賞一下魔術表演，魔術師分別變走硬幣和紙巾，怎料囡囡卻表現驚慌，害怕得哭起來，畫面十分搞笑。Whitney寫道：「我同老公成日都話，唔知溤寶寶第一次睇魔術表演會有咩反應？身邊有個重量級魔術師兄弟梗係要佢變返兩手俾馮寶寶睇吓！點知……….魔術師太犀利！變走咗啲嘢，嚇到馮寶寶扁嘴大聲喊。諗住第一次好驚，第二次習慣咗會冇嘢，點知第二次都⋯⋯呢個爹哋媽咪真係跩！仲喺度笑。不過我哋笑係覺得馮寶寶太可愛，佢第日大個睇返呢段片都會覺得自己傻豬豬。好開心身邊有個重量級魔術師朋友，可以無限量咁變魔術俾我個女睇！話唔定第日我個女都能成為魔術師呢。」
圖片來源：許芷熒＠Instagram