49歲佘詩曼雖仍然單身，但勝在好朋友多，契仔契女一大堆，單是圈中，閨密團「七魔女」6位好姊妹都已結婚生仔，全部都是她的契仔契女，皆因她向來喜歡小朋友。
今日（3日）阿佘在社交網分享與契女撐枱腳照，其實是為契女餞行。她留言:「同契女餞行，話咁快又話去外國讀書喇～重記住十年前嘅某日，忽發奇想surprise佢，走去接佢放學，佢開心到、甜到呢～眨吓眼就咁大個女喇，食完飯我呢個契媽心入面，雖然kick kick地，但係都要強忍不捨講bye bye…下次返嚟見喇～#這就是人生 #有散才有聚 @chicnoon #比心機讀書 #加油」。
阿佘貼上十年前接契女放學合照，及現在大個與契媽踫杯照，獲網民大讚「兩個都咁靚」、「兩姊妹」，更有指「女孩已長變美女～而你則依然那麼青春美麗」。