由林盛斌、馮盈盈主持，伍詠薇及蔡一傑擔任嘉賓評判的《全城一叮》，昨晚（7日）播出第二集，林子超化身變裝皇后大跳勁舞，成為焦點所在。
穿大褸出場的子超開場時裝作神秘地背向觀眾，以男低音為表演揭開序幕，再華麗轉身脫去大褸，展現驚艷的金髮女郎造型，妖艷的妝容加上華麗的高衩舞衣和高跟長靴，妖味甚濃！子超的勁爆舞藝同時焫着全場，既做出一字馬，又坐在地上張開雙腿，打側手翻等高難度動作，成功晉級兼贏得全場掌聲！子超覺得香港電視圈很少見這種變裝形象，希望突破自己，他說「荷里活有《丹麥女孩》，港產片有《翠絲》，所以都好希望日後香港電視圈都可以有呢類角色出現，將社會上唔同人嘅故事講出嚟。」
伍姑娘看得投入，瘋狂尖叫，之後讚道：「我愛上呢個女人，成個Performance勾引到我死，我冇Miss到任何一個Step！」馮盈盈笑言：「可唔可以教我點樣咁有魅力？」
患有先天性心漏病的林子超曾做過開胸手術，自小就有健康問題，但熱愛跳舞及追夢排除萬難，他又以正面思維拋出勵志金句：「我覺得有問題唔係好大嘅問題，只要你肯衝破就唔係一個問題！」
子超事後在IG開直播分享感受，表示為了這次表演籌備了一個月：「高踭鞋都買咗4、5對，比賽嗰對都係表演前兩日先送到香港，同埋要練着高踭鞋行路、跳舞，所有嘢加埋用咗一個月左右。啱啱開始練習時，啲朋友笑我行得似男人，咁我真係男人嚟架嘛。」子超透露化妝用了近4小時，臨出場前竟出現蝦碌事，他說：「嗰時勁趕，臨出場前先化好妝，仲要唔小心整爛對絲襪，因為未試過着絲襪。」子超的比賽造型同樣不簡單，「化妝師幫我試咗4次妝，髮型師試咗2次，服裝師就同我一齊用咗10小時整套衫，整到凌晨5點。」
