恭喜晒，陳山聰今日做老襯，迎娶拍拖六年的圈外女友Apple，兩人於W Hotel延開十七圍招待親友及圈中好友，大約五時許一對新人出現讓傳媒影相，太太apple由於少面對傳媒，明顯有點緊張，老公山聰不時用雙手安撫，一對新人更應記者要求親吻接近一分鐘，而太太手上的兩卡鑽戒相當養眼。
一對新人今日進行向長輩斟茶及簽紙儀式，「最感動係斟茶比長輩及自己宣讀誓詞的時候，一講到自己個名，就有少少飲泣，反而太太預期內冷靜，之後斟茶都好感動，今日真係比太太贏我。其實好感恩終於成家，希望以為會對佢更好，開開心繼續生活。」幾時有喜?「暫時未，自己都忙拍劇，生B就隨緣喇，上天比我地當然開心。」
幾時渡蜜月？「應該要明年，因都有工作，而且我兩都唔想去太凍地方，因為佢好怕凍，所以都要等明年。」山聰表示太太雖然冷靜，但依然有感動的一面，「當佢媽咪幫佢着褂時，同我講交個囡比我，太太就同阿媽講自己終於嫁得出。」