無綫新劇《反黑英雄》由陳山聰、張振朗、袁偉豪（Ben）、張頴康、朱晨麗、姚子羚、傅嘉莉、黃子恆、林景程、何沛珈等主演。無綫官方日前陸續釋出以陳山聰+朱晨麗、張振朗+姚子羚、張頴康＋傅嘉莉三個不同CP組合做主打的預告片，三對CP均是首度合作，甚有新鮮感。三對CP有着非一般的關係，飾演PTU沙展軒神的山聰與飾演反黑Madam的朱晨麗曾是「過氣戀人」，不過關係卻異常親密，由於工作關係，二人經常碰頭，每次不是瘋狂鬥嘴、就是默契十足地聯手查案或攜手打擊罪犯。
至於飾演「變節警察」阿賢的張振朗，與飾演江湖大嫂林雪兒的姚子羚則是初戀關係，二人因為命運安排愈走愈遠，但隨着阿賢加入了黑幫，與子羚再次由陌路人變回同路人；雖然深信舊情不再，但振朗仍一直默默守護着子羚，其中振朗跳入水底營救子羚的戲分，畫面更是唯美又淒美。
另外，飾演PTU沙展蘇國威的張頴康，與飾演其太太珊珊的傅嘉莉（Kelly）則是一對育有三名子女的夫婦，這對CP相對最為貼地，二人為了子女升學的問題，鬧出不少事端。近年每次拍劇都必定有驚喜的Kelly，這次亦不負眾望為觀眾帶來全新Image，一頭「師奶曲髮」配以街坊裝扮，以及帶點爛撻撻的港女虎媽Style，完全是撇下形象之作。講到師奶曲髮造型十分搶眼，Kelly笑言：「呢個造型係我同佳導（監製鍾澍佳）一齊設計嘅，大家見到之後都覺得好好笑，話覺得我好似師奶！呢個造型對我嚟講好新鮮，未喺螢光幕上出現過，對於以往嘅我嚟講未必係最好睇嘅一個，但係就好啱呢個角色，佳導都話我喺《香港人在北京》飾演咗Funny之後，就知道我唔係以靚為先，一定係以角色為先。」
除了朱晨麗，陳山聰今次與上位小花、「東張女神」何沛珈（Roxanne）亦有感情戲，二人更是首演情侶。雖然山聰與Roxanne年齡有點距離，但絲毫無損二人談情戲份的甜蜜氛圍，在劇組率先發布的第二輪劇照中，山聰與Roxanne不但CP感十足，飾演補習老師的她撒嬌冧樣及甜笑，更是相當Gfable。談到與山聰首演情侶，Roxanne透露原來二人並非首度「合作」，並笑言私底下以「偶像」稱呼山聰：「我同山聰唯一一次喺工作上有接觸嘅係《香港小姐再競選》，喺台慶決賽當晚，佢係問我問題嘅嗰一位視帝。之後我見到佢成日都會叫佢做偶像，因為佢就算經歷過好多高低起伏，但都從來冇放棄過，仲得到好好嘅成績。同山聰有對手戲我係好開心㗎，仲期待多過緊張𠻹。」佳導則坦承睇中Roxanne確是因為對方在《新聞女王》中表現很好，並透露另一選用Roxanne原因是貪其有距離感：「因為佢《新聞女王》個角色層次同深度都難，都好驚喜佢可以Handle到，同埋佢喺其他劇同節目都有好好嘅表現。第二，其實我想陳山聰個角色軒神，同呢個補習老師嘅戀人關係有啲距離感，個女朋友咁有學識又咁靚咁外向喎，嗰種不安全感好若即若離，所以就覺得將佢兩個擺埋一齊會幾得意，So Far拍出嚟效果都好好。」
