來自馬來西亞的黃潔琪（Miko），在IG坐擁100萬粉絲，代言工作一個接一個，直接威脅林明禎的女神地位！Miko最新正式宣布進軍大銀幕，在新戲《阿媽有喜》中將與袁詠儀演母女。
Miko日前與大馬演員陳峰、童繽毓、劉界輝等，伴隨靚靚出席新戲《阿媽有喜》於吉隆坡舉行的開鏡儀式，預祝電影拍攝一切順利。戲中飾演「靚靚」女兒的Miko表示：「知道同影后靚靚一齊拍戲好緊張，而且當中有場口要同靚靚做對手戲就更加緊張到手心冒汗！事前已經睇好劇本做好準備，不敢怠慢，希望可以好好發揮，一直都好想畀大家睇到我唔同嘅面向。」Miko更透露準備來港邊工作邊讀演戲班進修，果然又搏又「捱得」。
此戲為伍健雄的「本地製作有限公司」繼《紅豆》後，今年再有第二套有份投資的馬來西亞賀歲電影，並將於明年賀歲檔期上演。伍健雄於社交平台表示自己未算太熟悉馬來西市場，此舉望探索一下新市場：「雄叔叔就去其他地方跑一次運氣，當係學習又好，當係見識都好，睇過人哋嘅製作同推廣方法返嚟，我總可以學到新知識。到時等到香港市場又出現好機會時，我就可以學以置用，繼續我喺香港電影之旅。」他更親自找來其戰友及老死「靚靚」袁詠儀飾演媽媽意外懷孕的角色。