孫慧雪6年來不停遇有問題姐姐。
42歲孫慧雪與老公婚後育有2子，6年前開始聘用外傭的她，屢遇有問題姐姐，她也曾在社交網公開極品工人姐姐的事蹟。今日（2日）阿雪再爆有姐姐突然走佬，貼上一張驗孕紙條照，留言：「返到屋企發現姐姐清空房間走咗，佢只係send 張呢幅圖俾我另一位姐姐就失蹤咗。事緣係之前我哋去美國嘅時候，借錢俾佢買機票返印尼放假～佢返嚟就話有咗BB啦！喺呢度同佢講聲恭喜！」
呢幾位以前的姐姐日前回來為大仔慶生。
再遇古怪姐姐的阿雪表示已報警，因為是失蹤人口，並已報入境處。有獲網民安慰她：「佢無清空埋你間房都算係咁」。又有網民上網查照，發現是網上得來的假照，她指另一個姐姐都被對方欺騙，所以另一個姐姐比她更嬲。有網民指：「連續四次都破盡記錄，你真係要做一個『姐姐絕緣體』呢」，難怪另一位姐姐也問她：「太太，係咪屋企風水唔好呀？」
