Ella透露曾為女兒報讀興趣班時詢問職員課室內可有閉路電視？結果被職員指她神經過敏，更向她拋下一句「咁驚唔好學囉」。Ella說︰「我個女之前學體操，係一個男教練，所有小朋友都要著好似泳衣嘅體操服。班裏面全部都係三至五歲嘅細路女，上課嘅時候家長唔可以入去，亦睇唔到裏面嘅情况，只係有一個男教練喺裏面。我打電話詢問教室裏面有冇閉路電視，聽我電話嗰個女人話我太緊張，一定唔會有呢啲事發生，話我神經過敏。想問呢啲事發生之前有冇人會預知呢？做媽媽保護好自己嘅小朋友就係神經過敏？最後確認課室裏面係冇閉路電視嘅，但係嗰個女人都堅持我係太擔心同神經過敏。拋低一句：咁驚唔好學囉！」
Ella強調她絕非指該名男老師有問題，散播恐慌，只是想讓大家知道這些不幸事情經常發生，不明白為何大家不提高安全意識，避免小朋友受傷害。她說︰「避免任何一個小朋友受到傷害，因為一個都嫌多！最後想問吓…請問所有受害人嘅父母送小朋友去補習社…興趣班etc…之前會唔會諗到會有啲事發生呢？如果佢哋打電話去詢問有冇閉路電視，可能得到嘅答案都同我一樣…What do you think？我係希望有閉路電視保障番雙方嘅安全同權利，唔係怕有閉路電視睇蝕我個女。」
