張敬軒將於下星期一（5日）舉行一連十一場演唱會，他早前出席活動時表示，完成所有公開活動後，便會完全閉關至開show，他說：「今個show唔可以再有事，要以身體為先。」昨日（31日）軒仔分別跟楊天宇（Angus）、洪助昇（Aiden）及黎峻（Kenneth）出席期間限定店開幕活動，由於主辦方得知軒仔演唱會舉行在即，為安全起見，特意為軒仔封舖，安排時段只讓軒仔一人於店內參觀，認真貼心。
早已在現場守候的過百歌迷亦自動自覺，全都自發性帶上口罩「保護軒仔」，更有歌迷高呼「我哋會好好保護你」。對於守候的歌迷都自發性戴上口罩，軒仔大讚：「雖然佢哋平時會成日mean我，但其實佢哋好乖，適當時候做適當嘅嘢。今日天氣咁熱，雖然係喺室內有冷氣，但佢哋都嚟支持，真係好多謝佢哋，所以就更加想做好個演唱會，呈現一個更好嘅自己嚟報答佢哋。」