39歲張致恒（Steven）2019年與區燕雯（雯雯）奉子成婚，四年抱四，惟家庭長期陷入經濟困境，Steven與太太關係時好時壞，雯雯不時網上炮轟Steven不務正業，二人甚至放出收款碼向網民求助，被外界諷稱「伸手黨」。不過，Steven近日開始為了家人扚起心肝工作，繼上個月到廣州某酒吧登台搵真銀後，Steven今日（8日）又公布宣布考獲地盤平安卡，效法好友兼舊同事吳浩康（Deep）投身建造業。
Steven好友Deep近半年因成為「職安真漢子」，密密做地盤工養妻活兒，被大眾讚有承擔，是自力更生的好男人。早前，不少人建議Steven效法Deep，但今年1月時雯雯卻發文控訴，指Steven任由兒子捱餓，亦無法學吳浩康打地盤工：「為咗瞓覺自己唔去讀個平安卡。」不過，Steven近日積極找工作，雯雯亦發文力撐，「佢依家每日肯工作，仲肯生存，想重新開始，咁點解唔可以比佢行？」
Steven在IG限時動態上載其證明書及建造業工人的註冊證，並留言︰「終於有啦﹗有冇地盤即pay介紹？」原來他在5月考獲建築業工人安全訓練證明，俗稱地盤平安卡。而吳浩康去年9月出席活動時，已表示曾建議Steven到地盤工作，「因地盤人工高啲，同埋我有啲工程要喺地盤發生，我自己都有去做，但佢咁啱有朋友介紹工作畀佢，佢話到時唔啱先再諗。」
