由李思捷主持及監製的《思家大戰》第三季，今晚（17日）播出一集，有金剛率領的「上麵撈嘢」隊，成員包括近年積極北上拍劇的高鈞賢、唱show的張彥博、開餐廳的蔡淇俊，及自稱主力「影視娛樂」的趙永洪；對戰由一群喜愛唱歌的護士組成的「守護sing合唱團」，成員有威廉老師、啤梨、卡卡、Ling Ling及阿龍。
是集對戰焦點完全集中在思捷及金剛身上，甫開場就說了一大堆似是疑非廢話的金剛，令思捷回了一句：「你唔好做戲，你做編劇啦」之餘，還忍不住追問現場觀眾：「你哋信唔信佢講嘢？」金剛聞言即搞笑謂：「你哋唔好咁樣吖，我自己都唔信我講啲嘢架！」透露近日在內地開完個人棟篤笑的金剛，又主動邀請思捷齊齊玩，嚇得思捷即時劃清界線：「我唔會同你溝通到，因為我完全唔明你講乜嘢。」
而於遊戲一開始，思捷就與金剛上演了一場「純潔對壘」。事緣金剛代表「上麵」隊企上搶答台時，因不自覺揸著燈製吸引了思捷注意，金剛回應指習慣了「見嘢就揸」，嚇得思捷拋出一句：「你個人真係猥瑣！」金剛則不慌不忙回應：「唔好亂諗嘢，我哋節目好『純節』。」另外，一向以半鹹淡廣東話出晒名嘅金剛，更不停疑似以其獨有的「金剛話」喪爆私隱！其中一題問到「男人瞓著咗覺會不知不覺做咗啲乜？」金剛就毫無掩飾地當場自爆了一個關於自己瞓覺的習慣，笑爆全場！另外，於回答另一問題：「同另一半分手好傷心，我最唔想Keep住佢啲乜？」，金剛解釋答案時的一句「杜教詩人」，更令大家聽到𢱑晒頭，連思捷都忍受不了連環叫金剛重覆答案才明白他的意思。
