為紀念張國榮逝世20周年，環球唱片今晚（1日）於會展舉行《想張國榮致敬音樂會》，並邀來黎明、梁詠琪、陳慧琳、炎明熹、曾比特、梁漢文、蘇永康、許志安、AGA等歌手演出。
黎明率先打頭陣，唱出《當年情》、《明星》、《為妳鍾情》。梁詠琪緊接出場，演繹《側面》及《寂寞夜晚》，她大讚哥哥是不可多得的藝人，「佢嘅風度翩翩，佢心地善良，佢為電影界、音樂界作出咗好大嘅貢獻，今晚我同大家一樣都好掛住佢。」
陳慧琳則憶述拍攝由奚仲文執導的《小親親》前，跟哥哥學戲的往事，「因為當事仲文同哥哥好friend嘅，所以邀請咗哥哥教我做戲，而家講番都覺得不可思議，點解哥哥會教人做戲？會肯做呢樣嘢。」她之後相約奚仲文及經理人鍾珍到哥哥的加多利山寓所上堂，針對性地學了幾場戲的要點，又稱讚哥哥好有效率。
蘇永康是哥哥的忠心粉絲，坦言今晚選演的《最冷一天》及《無需要太多》都有着私心，因為在過去無數個晚上，無論開心或失意時都會陪伴他駕車回家；他又回想起剛出道時到紅館觀賞哥哥的演唱會，獲哥哥邀請參觀後台，「佢穿住一件浴袍坐喺梳化度，然後攞住個蘋果掟俾我，問我好唔好睇？梗係好睇啦，因為我冇入過紅館後台，佢係一個好溫暖嘅人。」
更多演唱會花絮：
