王嘉儀（Sophy）新歌《淹悶》大玩食字，誓要將沉悶的東西一一淹沒！ MV中她更以6款造型大跳現代舞，以表達對抗壓抑的能量。
Sophy指為配合新歌，連唱腔都有所突破，她說：「新碟其中一個主題想講流動嘅東西，而新歌就係講緊點樣打破二元框框，將沉悶、刻板嘅東西都淹沒佢、打破佢，唱腔都因應意境而有所突破，今次嘗試比較妖味嘅演繹，但未算懶洋洋嘅唱法，反而好多扭音。」
Sophy今次特別以6款造型拍攝MV，造型上既有黑白與彩色造型做對立，亦有惡魔和聖母造型作對比，另外還有男、女學生造型，各有特色。Sophy特別喜歡惡魔的造型：「自己着開比較Dark同型格嘅東西，呢套衫設計師加」為了呈現流動肢體感覺，Sophy特意去學習現代舞，她說：「因為首歌想表達一啲好壓抑嘅能量，點樣可以將一啲好硬崩崩嘅嘢衝破佢，所以喺舞步上好多時候都係黐地板同埋最尾有一個後翻動作，都係用一啲好柔軟嘅肢體動作去對抗好硬嘅地板，令到畫面上有視覺衝擊感，所以好好玩。我本身唔係跳舞嘅人，但我好喜歡將氣氛同能量，透過肢體表達，我自己都幾享受，希望可以繼續學現代舞。」
