李克勤為圈中知名體育發燒友，昨晚（2日）現身無綫奧運直播間《2024巴黎奧運 黃金直擊》擔任嘉賓兼客席主持，與觀眾一同直擊羽毛球混雙銅牌戰及金牌大戰，順道為好友、國家隊羽毛球混雙代表鄭思維及黃雅瓊打氣，最終鄭思維及黃雅瓊終圓夢以2:0勝出奪金，主持林溥來大爆身處直播間的克勤即開心得企起身，而鄭思維與黃雅瓊互相為對方整理金牌時，克勤則不斷歡呼兼大叫好溫馨。之後克勤與兩位好友越洋連線訪談時，「雅思組合」全程開心至合不攏嘴，氣氛相當好。昨晚更是雙喜臨門之日，黃雅瓊贏得金牌後，其同為國家隊羽毛球代表的男友劉雨辰竟於場館內送花兼跪地求婚，全場起哄，而黃雅瓊則開心得全程不斷掩面及甜笑，場面溫馨，克勤亦大叫感動。
曾為無綫《1996亞特蘭大奧運》、《2008北京奧運》及《2012倫敦奧運》開幕儀式分別擔任過採訪/主持工作的克勤，相隔12年再現無綫奧運直播間表現未見生疏；本身亦是羽毛球發燒友的克勤，對運動員及羽毛球相關資訊均相當熟悉及清楚，加上有資深體育主持根底，即使相隔多年「重操故業」仍表現得有板有眼、揮灑自如，更提供了不少鮮為人知的羽毛球相關知識及小秘密，當中包括國家隊羽毛球代表的訓練情況等。克勤說：「佢哋嘅訓練情況確係好刻苦同受人尊敬嘅，當然港隊運動員都係，我記得有次食完飯後去唱K，我問佢哋聽日唔使訓練咩，佢哋話：『要呀，不過唔係好早啫，七點（朝早）！』」克勤在直播期間還公開了與國家隊運動員打羽毛球的情況，片段所見克勤全程打得有紋有路，Patrick Sir（林溥來）亦震撼表示不相信片中人是克勤，並問克勤是否經常與國家隊交流時，克勤搞笑謂：「邊有得交流呀，佢哋有交，我咪流流地咯。Part我打，辛苦過打奧運啦。」相當搞笑。
與克勤已是老拍檔的鍾志光（鍾仔），談到克勤綽號是「國羽隊頭號粉絲」時，克勤笑言：「虛名嚟架啫，我都係港隊頭號粉絲嚟。因為我自己好鍾意羽毛球啦，又有好多機會跟住國家隊去打蘇迪曼盃、世錦賽等等，打完之後又同佢哋聯誼吓，佢哋嚟香港打波我哋又會盡吓地主之誼咁，就熟絡咗，變咗好多時我飛去睇佢哋比賽，佢哋就嚟睇我演唱會。」鍾仔聞言即驚訝謂：「連蘇迪曼盃你都去？跟得好足喎！」克勤即開心回應：「我好熱血架我！」克勤又透露今屆的羽毛球混雙金牌，對其好友鄭思維很重要：「我好耐冇見過鄭思維係有呢種殺氣，因為佢幾年前失落咗個金牌，而嗰個金牌對於佢嚟講好重要，好重要，其實佢差唔多所有嘢都攞晒，淨係爭呢面金牌。」克勤又謂「雅思組合」自上屆失落東京奧運後，度過了頗長的低潮期：「對於佢嚟講，之前嗰年幾係好難過嘅時間，因為佢哋拆過夥，後尾又走番埋一齊。」克勤續透，今年與鄭思維慶生時，對方的生日願望亦是能在奧運奪金；故對於好友願望成真，克勤坦言很替好友開心：「呢個係佢成個生涯裏面欠嘅最後一塊拼圖，我好戥佢哋開心！」並謂昨晚現身直播間令他勾起很多昔日做奧運主持回憶。
其實克勤昨晚現身錄影廠全程氣氛相當好，當中主持鍾仔一見到昔日好拍擋克勤，即大讚克勤經常拔刀相助，克勤聞言即反向鍾仔派高帽：「嗰時96年（亞特蘭大）鍾Sir已經係前輩，依家直頭升咗去前輩之中嘅前輩。」被問到做奧運主持心得，克勤笑言：「我第一次做亞特蘭大係做外景，外景我覺得以前冇咁嚴嘅，以前拎住嗰張證周圍去都得嘅，最緊要面皮厚啲，訪問捉人要主動啲。」鍾仔聞言即幽克勤一默謂：「後尾點解呢張證有限制呀，咪因為你咯，人哋升旗你走咗入去吖嘛！」
李克勤出道多年除了唱而優則演，是圈中知名體育人及發燒友，除了奧運主持，亦曾參加過多屆世界盃主持工作，他之前亦曾在社交網懷緬自己在無綫的體育記者/主持生涯，內容感性有趣兼備，克勤留言：「我是1996『加入』體育組的，第一次出征是亞特蘭大奧運會，就是和華仔誤闖升旗禮蝦碌的那一次…那時候，交給你一疊資料就去做奧運開幕看拳王阿里點聖火，搭車時同江嘉良（前國家隊乒乓球代表）吹得兩句就被派去講乒乓波。拿着Pass穿梭各大場館邊做邊學，整天和體育組同事嘻嘻哈哈，無比快樂。」而與老婆盧淑儀同為羽毛球發燒友的克勤，與國家隊羽毛球運動員由波友變老友，之前中國羽毛球前世界冠軍陳清晨來港時，克勤一家四口便盡地主之誼請對方吃日本菜，而克勤的兩名兒子亦十分鍾情打羽毛球。
