李璨琛（Sam）的4歲囡囡李元元（Lucy），經常帶給大家不少歡樂的Lucy，這天又有新作，就是變身「李管家」，連爸爸出夜街都要管，更打爛沙盤問到篤。
李媽媽在社交平台上載了視頻和音頻。第一和第二條是Lucy面部大特寫，現場燈光很暗，從Lucy的說話，這應該是爸媽的睡房。
Lucy說：「OK，我會返去瞓㗎啦，我會返去瞓我張牀㗎啦，bye-bye，我都準備瞓㗎啦！」第二段，是她不斷對着鏡頭發出「啜啜啜」的聲音，送吻給電話那邊的爸爸；在旁的李媽媽就笑着說：「好煩呀你！」
第三段，是李璨琛拍片向女兒「交代」：「好啦，咁你快啲瞓覺啦，聽日返學，好喇，good night!!」
但父女對話至此還未完喎，Lucy在音頻裏說：「點解你出咗去嘅，咁夜，我都瞓覺啦⋯⋯你又出去，咁夜！」李媽媽不斷笑着說：「…佢成個管家婆咁…..」在李媽媽說話的同時，再度傳來Lucy的聲音：「….你咁夜都出去….」
最後一段視頻，Lucy的說話內容更加精采:「係邊個朋友呀？叫乜嘢名呀？我係唔係未見過㗎？」
李媽媽在社交網留言:「老豆（竇）夜晚出去有聲氣，同咩朋友出去飲嘢呀？我有冇見過㗎？咁夜，李管家！」
蔣家旻回應說：「好有說話比李老豆（竇）聽！咁夜就應該瞓覺啦，做乜出去啊？」劉浩龍也留言：「佢似老婆多啲喎！」
影片來源：李元元＠instagram
