李璨琛（Sam）與老婆梁志瑩（Sophia）的大女李元元（Lucy），榮升家姊及剛度過5歲生日，即時變大個女，昨日（30日）Sophia在IG上載Lucy揸機自拍短片，留言：「5歲KOL開始自己拍片介紹家中概況 #第一take失敗咗 #第二takeOK仲叫爸爸同大家sayHello添 #最鍾意都係最尾個HELLO」。
正如網民留言：「畫面好豐富，有披頭散髮嘅老母，掃風掃到懷疑人生嘅爸爸」。皆因Lucy在介紹家中情況時說：「我俾你睇我爸爸係點嘅樣好冇呀」？鏡頭一掃，李爸爸Sam正在幫細女Sucy掃風，冷不提防聽到Lucy說：「Say Hello吖！」Sam抬頭一望才知被Lucy拍入鏡，Sam無奈「哈哈」笑了一聲然後配合說Hello，Lucy跟住說：「我爸爸就係咁嘅樣㗎啦」，於是有網民留言：「我認識你爸爸耐過你認識你爸爸啦」！
因為Lucy邊行邊拍，網民讚她拍得有紋有路，不過畫面帶點迷離，並提醒「睇多幾次有少少暈車浪」。
