林嘉欣在新片《失衡凶間之罪與殺》的單元故事《闇室》中，再度參與驚慄片，更首度挑戰SM牀戲，還與男演員Kelvin牀上肉膊，大膽演出令人嘩然。
在戲中飾演溫柔護士的嘉欣，首日開工就要埋位與男伴Kelvin拍SM牀戲，嘉欣目露凶光，不單用膠袋笠住Kelvin的頭部，更將對方的頸箍駁上鎖鏈連接着牀架，保證Kelvin動彈不得。之後嘉欣用力勒緊Kelvin頸上的皮帶，似要將對方置於死地，Kelvin不斷掙扎喘氣求饒，狀甚痛苦。
鏡頭前，情節看得令人肉緊，鏡頭外，兩人卻有說有笑，尤其看到赤膊上陣的Kelvin，一身鋼條肌肉，嘉欣搞笑說：「我要殺死你，你身材好過我咁多，好嬲呀！」為緊張的拍攝氛圍，帶來一片笑聲。
激情肉膊之後，嘉欣坦言第一次拍SM戲好緊張，說：「我好擔心Kelvin，佢對手同頸都綁住皮帶，個頭就笠膠袋，呢啲戲我一定要真用力，先至會似，皮帶鬆就唔好睇。所以必須非常準確，盡量唔好有NG，對手會好辛苦，最好一Take過。」每次導演嗌Cut，嘉欣都立即幫忙為對方鬆綁，又不停問候他狀況，嘉欣說：「大家都明白拍戲會辛苦，但安全最重要！」
