林子善預祝生日被玩 江美儀展示腰力驚人

林子善獲送生日驚喜感動到喊。

馬國明、唐詩詠、陳山聰、劉佩玥、 劉穎鏇、江美儀、林子善、郭子豪、趙希洛等，今日出席《隱形戰隊》「復活之戰」宣傳活動， 原來本月十三日是林子善生日，大會更為他秘密預祝生日，擔任主持的他到活動尾聲時被眾人玩，監製台上指他講漏嘢，嚇得他慌失失，隨即台上有工作人員從後推出生日蛋糕，令子善十分感動，但他笑言強忍淚水，「我最怕真係漏讀稿，但我真係估到會咁，因為陳山聰知我生曰，但最驚喜係監製俾我，以為自己真係講漏嘢，我好多謝監製十幾年來裁培，因為鬧得好甘，但令我反省。」

+1

郭子豪配江美儀，以一招「推車」式玩食冬甩遊戲，令眾人嘩聲四起。

唐詩詠今日以裇衫配連身紅裙，被台上藝員笑指似小丸子。而活動上劉穎鏇（Tiffany) 一雙長腿相當吸晴，當播出她一身女版籮拉跳起打鬥的場面，現場觀眾即嘩然大讚，Tiffany受訪時說：「我好鍾意同期待呢場戲，一直好多人問我拍呢套劇最鍾意哪場打戲，我好鍾意呢場，拍攝時都好順利，最重要係我人生第一次吊威也，大家睇劇時好似好易，但我拍的時候好難，因為當時我身上只可以用一條威也，我需要用腹肌既力量將成個人撐起，拍完後好有滿足感。」

劉穎鏇騷長腿。