楊千嬅相隔四年重啟世界巡迴演唱會，首站《MY TREE OF LIVE》昨晚在廣州海心沙亞運公園展開，千嬅登場時站在高三層樓的吊台出現獻唱《飛女正傳》，場內場外人羣，真正切合了她的歌詞：「世界將我包圍、誓死都一齊」，非常壯觀。
千嬅一連唱出多首經典歌曲，包括《飛女正傳》、《烈女》、《少女的祈禱》、《可惜我是水瓶座》等，之後跟觀眾打招呼說：「四年前的這一個舞台，是我的夢想出發點，四年後的今天有緣份跟大家再慶祝，我相信過去四年，每個人都有各自的旅程，有屬於自己的故事，今晚我非常之誠意邀請大家，用心去欣賞呢個演唱會，用心去感受呢個舞台，我們一起回憶、細訴和分享我們的每一秒煎敖、每一串傾慕。」
相隔四年，再到廣州開騷，千嬅開心說：「大家好，好耐冇見呀，你好犀利喎，咁樣嗌落來，好耐無聽過呢啲聲音，多謝你哋呀！你嗌到咁悽厲，哈哈哈….把聲我好似爭了你四年錢咁, 哈哈哈，不過我好鐘意呢啲聲音呀！」
千嬅又自爆之前曾中新冠肺炎，笑稱記憶力愈來愈差：「我已經係有些年輪的人，記憶力係會差些，多謝漏咗邊個唔好怪我，希望大家繼續支持我，做一個演唱會需要好多勇氣和時間，最緊要是每一位觀眾，先可以成立這個演唱會，多謝你們。山頂的朋友，hello， 我是看到的，一開場時，我是很感動，為何一開始咁夠聸在咁高二十幾尺出場，今日應該睇到我啦？我克服畏高就係希望所有山頂的朋友都見到我，其實最初真係好驚。」
當她逐一多謝製作單位和贊助商時，公開多謝老公丁子高，「最緊要多謝出品人丁子高先生，好想分享佢對唱歌的熱愛熱誠一定唔會少過我，佢好支持我的演出，thank you。」之後又自爆前日做了一件好低能的事事，「我平時唱歌拿咪好少換手，昨日綵排時不小心扭親隻手，點解整親呢？我要試衫舞台服裝，除褲時好緊張，因為趕時間，點知一除隻手指公就kick到隻襪，然後成條筋黐埋了，手指公不能屈曲。然後工作人員介紹了一支藥膏給我，搽後好很多。」
