39歲楊潮凱與太太江玉儀2013年婚後育有一女，今年2月公布愛妻再度懷孕，昨晚（1日）他在ig貼上抱住初生兒子，與太太在醫院病房內的合照，公布細仔Cayden出世，湊成「好」字。
潮凱代兒子自我介紹︰「大家好，我叫Cayden，大家可以叫我雞蛋仔。我一出世就喊得好大聲，中氣十足，大家多多指教！媽咪同我都好好，母子平安，多謝醫院嘅醫生同護士姐姐，一出世就照顧我，幫我沖涼同換片。聽講我有個好錫我嘅家姐叫Catharine BB，我都想快啲見到佢啊！爸爸見到我就話I love you，睇落呢個爸爸應該都OK，媽咪就直頭冇得頂啦，又靚又叻！」
潮凱今年5月宣布離巢無綫，他受訪《明周》時坦言，選擇在這段時間往外闖的決定並不容易，始終在公司已15年半，跟同事建立感情，但又想挑戰自己，發掘不同的可能性。離巢後潮凱決定闖影壇做導演，他慶幸疫情期間學懂投資，太太又懂得理財，不用擔心經濟問題。
