楊茜堯與羅子溢在剛過去的復活節，帶了囡囡小珍珠以及楊卓娜一家到日本旅行。今日（3日）茜堯在IG上載了當日搭飛機的片段和照片，片中小珍珠人仔細細，孭住粉紅色小背囊，超可愛！旁邊的爸爸羅子溢，則好體貼地拿着一袋二袋行李！
茜堯表示這是囡囡第一次坐飛機去旅行，一家人都好興奮和期待，她更說了關於囡囡的小秘密，就是怕高！茜堯說：「我哋唔敢同珠妹講去搭飛機，因為佢成日話好高啊，唔要啊，要搭火車，所以由頭到尾我哋都唔敢同佢講飛機兩個字，影相都係離遠影飛機。不過，佢好合作，上機就瞓，瞓醒就食第一次嘅飛機餐，好滿足啊，媽媽俾個叻你！」
一家三口更在機上拍照，茜堯手上拿着電話，屏幕可見是細仔Eden，她表示好掛住囝囝，所以下次要帶同囝囝一齊去旅行。
相片來源：楊茜堯@Instagram