44歲歐倩怡（Cindy）與59歲郭晉安5月初宣布離婚，結束近18年婚姻，回復單身的歐倩怡日前接受楊詩敏和連詩雅主持的網台節目訪問，首度開腔談感情事。在節目中她憶起4年前生過一場大病，當時她嘔吐﹑暈眩﹑呼吸困難兼失禁，但身邊人只給了她一個痰罐嘔吐，「Google睇吓係咪call白車，跟住搵到個片糖沖熱水畀我飲。」因「絲打圍爐」今次罕有地關閉影片留言功能，網民紛紛在歐倩怡個人社交平台留言，指責郭晉安表現冷漠，亦有人批評歐倩怡「忘本」，就網民評論，歐倩怡本人亦親自逐一回應。
有網民留言：「睇完之後， 唔明點解你半夜呼吸唔到，身邊嗰個唔報警，仲有時間上網！Anyway，恭喜你展開新生活，努力。」歐倩怡留言護前夫：「佢當時係驚，唔知發生咩事…我真係斷片式暈咗，發生咩事都唔知….太驚啦，唔知發生咩事，比着我都會驚，唔知應該點做！」
歐倩怡婚後不斷進修，除了成為碩士外亦考獲不少牌照，她在訪問中卻自覺讀太多書反而蝕底，怎料遭網民批評：「咁嘅學歴叫勁得滯，真係笑大人個口，fyy讀埋碩士都未講得出呢番說話。」而歐倩怡回應：「 多謝提醒，其實我都知我好渣㗎咋，好多嘢都唔識，同無記性。嗰個純粹係節目效果。學海無涯啊！」另外亦有網民問到：「忘本…學費何來？」歐倩怡亦表示多謝前夫：「係呀，我有好好多謝佢。感情事係咁，無得計嘅。大家依然係屋企人。多謝你支持啊﹗」又有網民留言：「多謝你放過郭晉安，地球又多一個筍盤。」歐倩怡留言道：「係呀，佢好好的﹗」
有網民表示：「睇返志雲飯局，原來你3個月就去安仔度同居，離婚唔知有冇3個月就玩交友app，仲喺度講自己前夫點衰點衰！」歐倩怡回覆：「都兩年啦～～ 同埋搵人傾下偈唓，無做壞事。我而家都同你傾偈啦。」甚至有網民不忿留言：「真係戥郭晉安慘！！你真係太over了。」歐倩怡亦說：「 beli bala 作風只限鏡頭前。」而歐倩怡亦回應玩交友app一事：「入面好多壞人同假 account， 要小心。同埋我好奇，玩咗一個月，覺得悶，又無玩啦！」