《法證先鋒VI：倖存者的救贖》昨晚（19日）播出的單元故事講述郭千瑜（Mina）飾演的拜金女楊慧冰，與好姊妹凌詩蕙（趙璧渝飾）到夜店消遣，結識到吳兆麟（Alan）飾演的富二代周公子Jeffery，豈料卻是阿冰的惡夢開始，慘被Jeffery迷姦兼性虐待之餘，更成為殺死Jeffery的嫌疑犯。
Alan穿着肉色三角內褲，扮作全裸演出相當搶焦，他透露由接到演出通知到試妝及正式拍攝，前後不足一日的時間，但收到劇本時好開心，因為覺得好有發揮，「我唔介意赤裸，因為我鍾意為藝術犧牲，哈哈。」Alan續說：「我有著肉色打底褲，但嗰條褲係三角同埋好薄嘅，每次拍攝前都要將私處塞入去然後夾實佢，咁鏡頭上先唔會穿崩。拍攝時其實我好舒服，因為成隊crew都係男仔，同埋導演所有人都好照顧我，我都任由佢哋幫我整理防走光。」為了配合拍攝，Alan足足在牀上「攤屍」近四小時，更差點睡着。
Mina為了配合劇情發展，要在皮膚上劃滿又深又長的血痕，還要做出不同程度的被虐、痛苦及崩潰表情。Mina坦言阿冰是其入行多年來，其中一個最有發揮的角色，最難忘的場口是醫院的爆喊戲分，劇本並沒有要求她要喊，但因為讀對白時，深切感受到角色的慘況，故cut機後，仍不能自已地喊了接近半小時：「入行以嚟未試過喊到咁，其實去到第5句對白，我就自自然然咁流咗眼淚，到cut咗機，我都仲係未收到啲眼淚，我喊到連playback都睇唔到。」
更多圖輯：
