《2024香港小姐競選》15強外景拍攝已經陸續展開，第一批候選佳麗5號莊曉婷（Kimmy）、6號李曼思（Adria）和15號俞可程（Kanis）已於周三（17日）早上出發到內蒙古，並由兩位師姐何沛珈及陳懿德帶領進行外景拍攝。
當抵達內蒙古呼和浩特後，她們即馬不停蹄坐7小時車程到正藍旗，翌日（18日）便馬上進行緊密的外景拍攝工作。三位佳麗首個任務是跟當地人學習製作查干伊德（蒙古奶食品），有板有眼！第二個任務則是學習製作蒙古族傳統服飾—察哈爾服飾，之後更齊齊穿上察哈爾服飾化身蒙古美女，在大草原上打卡留倩影，配上靚爆日落，畫面唯美！
三位佳麗均首次到訪內蒙古，問到此行最期待環節？熱愛運動的Kanis表示望參加蒙古族一年一度的傳統體能運動競技節日那達慕大會；Adria期待入住蒙古包：「好多人都話係冬暖夏涼，好想體驗吓係咪真係咁！」Kimmy則期待參觀大召寺：「因為聽講今次仲邀請到當地嘅住持出嚟，係一個好難得嘅經驗。」對此製作組補充，大召寺住持一般不會在寺內隨意走動及接見信眾，今次大召寺住持除了會與三位佳麗見面，還會帶她們走進平常不能拍攝的寶殿，引領她們點燈及祈福。
何沛珈日前抵達內蒙後上載IG限時動態，透露身體不適嘔了四、五次，「嗰日要坐七個鐘頭車，跟住我又喺車度溫奧運嘅資料，本身都有啲暈車浪，同埋嗰日日頭又比較曬。」沛珈續指幸好休息過後便沒事：「好彩第二日已經好番好多，我都有爭取時間休息，唔使拍嘢時就閉目養神，拍攝團隊亦有互相照顧。」沛珈感激Adria於其不適期間幫忙扶她返回房間之餘，還主動幫沛珈拎行李，相當貼心。沛珈又謂為了不影響拍攝進度，就算「有啲暈」亦會堅持繼續拍攝，認真專業。
