靚湯與馬明仍是新婚期，放閃好應該。
同馬國明婚後奉旨放閃，雖然靚湯近期忙於自家炮製社交媒體廣告賺錢，但亦不忘久不久曬恩愛，今日靚湯貼上6張跟馬明在扶手電梯拍的照片，靚湯交足貨擺出不同甫士，甚至對着老公嘟嘴錫錫，但最厲害是馬明全程只有一個表情姿勢。
靚湯不停擺甫士，馬明就冇郁過。
靚湯於是搞笑留言：「點解可以完全冇郁過，我是瘋狂粉絲嗎？」沒想到貴為視帝的馬明更搞笑回覆：「因為諗唔到第2個表情……」笑爆一眾網民，靚湯隨即跟老公說：「下次諗返8000幾個post先好同我影相」。網民亦留言：「天然呆唔係浪得虛名㗎」、「老公性格老實正直才好呢，馬太識揀」、「紙牌」。
