從《全民造星IV》中相互認識後自組成為團隊的Lolly Talk，成員包括Ah Yo（郭曉妍）、Elka（鄭芷淇）、Meimei（曾美欣）、Sinnie（吳倩怡）、Tania（陳紀澄）、Yanny（劉綺婷）、阿蛋（黃詠霖）、妹（黃敏蕎），繼為電競比賽唱主題曲《8SEC》後，八女子正式以女團身份出道，並推出首支派台歌《三分甜》，歌曲首播24小時已突破15萬收看次數。
當中MV故事概念來自中學last day，因此Lolly Talk重返校園進行拍攝。兩位成員Ah Yo和妹亦是今年的DSE考生，對於MV故事格外深感受，妹說：「其實中學last day給我的感覺一開始也不太強烈，但慢慢發現快要畢業禮了，然後拍新歌MV時更加令我意識到真係最後喇，之後可能想再回味都冇喇。即係好似我哋放飯，大家好隨意喺禮堂搬啲枱枱凳凳坐埋一齊食飯吹水，呢件事好自然，令我諗起大家好似真係變成咗我嘅中學同學。同Jaime（張天穎）喺band房唱歌跳舞嘅片段都好似曾相識，因為我喺學校都成日同同學一齊喺活動室打躉休息，好有共鳴。但係呢個MV，都令我更加唔捨得我嘅中學回憶。」
