由黎芷珊主持的《芷珊約您》，今晚（12日）播出第四集的嘉賓是王嘉爾（Jackson）。Jackson是一位前港隊劍擊運動員，隻身到韓國當練習生、以男團GOT7出道，再單飛發展的歌手，演藝生涯到底有多艱辛？芷珊除了直擊其首個巡唱中國區第一站澳門演出，還與久未以廣東話受訪的Jackson進行深度專訪，探討萬人迷的內心世界。
巡唱前一天，芷珊直闖綵排現場探班，率先體驗VVIP專屬環節，上台與Jackson零距離接觸，Jackson不但滿足芷珊十指緊扣要求，還主動揸機自拍、上落樓梯伸出紳士之手攙扶，難怪芷珊冧爆直言有心跳感覺：「明佢啲fans點解咁die hard，我已經落坑了！」Jackson絕對是寵粉狂魔，每站巡唱前必定舉辦VVIP綵排環節，恍如見面會般與偶像近距離互動，他曾在巴黎站巡唱促成粉絲求婚大作戰做見證人；演出前亦盡應VVIP粉絲要求合影，影足兩小時！芷珊在演唱會前特意預備潤喉開聲禮盒送給Jackson，除了人蔘還有一種「食材」，Jackson見到即嚇到大叫。
粉絲遍佈世界各地、各大社交媒體擁數以百萬、千萬計粉絲，單在IG就有支持者越過3,300萬粉絲，Jackson謙稱目前只是剛起步，做任何事情應抱着感恩心態：「我覺係啱啱開始，名氣又好、popularity又好，我會覺得係泡沫，隨時都可以冇。」自小嚮往演藝夢、不顧家人反對勇闖K-Pop樂壇，Jackson回想曾任劍擊港隊總教練的爸爸，當年開出讓他入行的條件：「爸爸半開玩笑話『攞到冠軍俾你去』，講呢句說話即係唔俾我去，因為知我冇可能攞到。」
不但犧牲參加奧運、入讀美國史丹福大學的機會，更錯失同輩所經歷的時光；2011年到韓國展開練習生生涯，初時對韓語一竅不通，眼見身邊練習生無論內外條件都滿分，Jackson有感技術不如人，坦言第三天已有想放棄的念頭：「技術又冇，生活所有嘢變晒，好孤獨。」、「唯一可以同佢搏嘅，你做十個，我就做一百個。我要先令到自己技術進步，想去邊間公司都去到。」近乎10年沒休息過的Jackson，今年踏入30歲，他希望放慢腳步，帶父母去旅行；他還講出兩個認為自己10年後的轉變，嚇得芷珊直呼：「唔好嚇我，你啲fans聽到癲㗎喇！」
此外，芷珊特意邀來Jackson爸爸王銳基受訪，王爸爸直言當年有意刁難兒子，但看到他目前驕人成績坦言感到自豪；他又指Jackson向來報喜不報憂，從來沒見過其軟弱一面，說到此王爸爸不禁眼泛淚光：「就算GOT7出道，佢真係用條命嚟搏，好努力。人哋禮拜六、日休息，佢就返內地跑行程，趁飛機來回時休息瞓覺，你話作為父母係咪好心酸‥‥‥」該場澳門站巡唱，王爸爸和王媽媽首次到現場支持，還上台與Jackson擁抱，兒子更親吻父母面頰，畫面非常溫馨。
芷珊每集都會要求嘉賓分享一個小秘密，Jackson也不例外，究竟會是甚麼呢？他還罕有談及愛情、婚姻觀，又分享手臂紋身背後的故事。
