Hana 菊梓喬轉了新公司星演後，話咁快有新歌派台，第一首歌曲《萬年》講的是一個好轟烈的愛情故事，Hana說今次的唱法同以前唔一樣，叫大家細心留意一下，「同監製傾咗用新唱法，之前唱歌的發聲位係會高啲，依家係『硬掘』喉嚨，刻意令到聲音粗糙些、多啲質感，做出一種比較 Raw 的味道，但係呢種方式會比較傷喉嚨，唔可以亂用。」
《萬年》亦拍了MV，不過拍攝那段日子，撞正香港不穏天氣，經常天陰陰且暴雨，終於等到雨後放晴開工，仲出了個大太陽，暴曬下，令 Hana 同工作人員都好辛苦。Hana說：「在陽光底下拍外景，的確係好靚，但都特別辛苦，唔單止係自己，更加辛苦所有工作人員，大家都好專業，好彩一切都順利好快完成。」
Hana 最近在家中佈置了一個可以讓自己專心創作的位置，相信好快就有新作品，「要做自己喜歡的音樂，會努力做好自己的創作，希望有更多新嘗試。」