葉巧琳（Mischa）推出新歌《無窮盡》，歌曲由林寶作詞，故事延續《THE ODYSSEY OF FREYA》的脈胳發展，講述拳術師Aphrodite的故事。她說：「林寶有提議用熱血或傷感或接受嘅態度去唱，甚至係想像首歌講緊自己嘅事業，呢個切入點同新歌嘅概念不謀而合，出道到而家10年，一直用好多方法，嘗試突破去做出成績，但而家嘅我已經唔會咁諗，我只會諗呢個Moment做緊我喜愛嘅嘢，而唔會諗未來會得到乜嘢而去做嘅一個Project。呢個project改變咗我一啲固有思想，唔需要諗未來係點，因為控制唔到，呢一刻最重要。」
MV方面，因為這次是有關拳術師的故事，所以工作團隊特別邀請了港產特技人Ace參與演出，扮演拳術師一角。Ace為了MV，除了在位於東京千葉縣富津市的富津岬展望台上不停跳躍外，他更在東京街頭不停地跑，以帶出故事信息。至於Mischa亦有一同在展望台拍攝Lip Sync（對口型）的部分，但拍攝期間正值日本被熱浪侵襲，氣溫極高，她都曬傷了，她回憶道：「因為Location離東京都幾遠，拍MV嗰4日都冇乜瞓過，每日凌晨3點幾就要起身化妝整頭。天氣日日體感都39度，我嗰幾日係直情曬燶咗手背、額頭同埋臉，成個人黑咗兩度，化妝品要用深兩度嘅色！但出到嚟超級靚，喺展望台上面，雖然被風吹到變癲婆，但影出嚟嘅Shot超靚！」