前天堂鳥成員葉泓聲（Gordon）與棄歌從商的陳樂榣（Ally）組織家庭，去年誕下愛情結晶品Gia，他們昨日（8日）為女兒搞生日會之外，更一起對在場好友們再透露喜訊，Ally再度懷孕，明年1月中預產期，預計可趕及追到龍B，換言之他們兩年抱兩，果然夠勤力。Gordon笑言：「Ally知道我太喜歡小朋友，驚我遲啲又想再生BB，叫我要去紥咗佢，不過3個夠晒數嘞，我要更加勤力，做生意同埋演藝事業雙飛，等太太唔使咁辛苦。」
問到Ally為何咁急在Gia八個月大時又即懷孕？Ally表示：「我和Gordon一早已有共識想要生兩個，再加上我女兒Aria就三個夠晒數，亦都好感恩又俾我哋願望成真，現時4個多月，已經照咗係囝囝，所以好開心，生完就可以收工嘞！」
Ally大讚Gordon基因好，Gia非常可愛靚女，加上Gordon是一位好顧家的老公及細心老竇，照顧二女Gia周到之外，對大女Aris一樣用心，促使她再追多個。她亦已告訴大女做大家姐的消息，她指大女這半年已經好接受妹妹，雖然口硬話唔錫妹妹，但主動跟她說用零用錢買生日禮物給妹妹。
