蔡卓妍（阿Sa）是不少人的偶像，但偶像都有偶像，她曾多次公開是郭富城的超級迷妹，自揭如何追星。近日城城在紅館開騷，阿Sa與Sa爸及容祖兒去捧場並合照，再發長文細數曾經為了偶像的種種行徑：「日日踎喺yes station門口等人放佢張磨砂yes card、同我最好嘅同學仔寫信嗌交仲爭啲絕交、好努力咁連續十次測驗100分先氹到爹哋買佢隻Cd俾我、坐定定喺電視機前面睇頒獎禮為佢吶喊助威為佢流淚、打咗無數次電話去電台就係為咗想要佢個簽名、同補習老師夾錢坐山頂睇佢演唱會」。
阿Sa更直認：「我有好多偶像，但係城城係唯一一個能夠，讓我瘋狂，讓我充滿動力同勇氣，牽動我所有情緒獨一無二嘅偶像。好感謝佢帶俾我嘅所有青蔥歲月，令我嘅成長唔孤單」，並續謂：「時隔八年再睇佢演唱會，佢仍然賣力地喺舞台上面綻放光芒，仲一樣咁靚仔（究竟係點做到㗎？），把聲一樣咁響，跳舞一樣咁有型，我覺得我偶像真係好叻！希望下一個紅館演唱會唔使再等咁耐啦」！
阿Sa的發文，引來她的大批粉絲共鳴，學她一樣訴說着心聲，同樣喊着：「你的粉絲也是時隔八年再看你的演唱會」、「呢段字咁熟口面嘅，咁似我地今年年頭嘅感受」。
