16年從多倫多來港參加港姐的蘇韻姿，雖然沒有名次，但獲無綫簽約，更被曾勵珍選中加入處境劇《愛．回家之開心速遞》飾演熊心如，「紅衫魚」成功入屋，奈何有傳她工作態度有問題，被減戲分兼安排「出埠」，打入雪櫃冇得出鏡，蘇韻姿最近更正式向外宣布離巢。
蘇韻姿離巢後，做過舞台劇《我們的青春日誌》幕前及幕後，現在更擔任了老師，教小朋友做英語音樂劇；她日前為YouTube頻道「雲楚笙 奇門遁甲」擔任嘉賓時，被雲師傅批算命格，向來「鬼妹仔」的蘇韻姿直問事業運：「呢一行（演藝圈）好risky，我有冇入錯行？呢度適唔適合我？」雲師傅回答：「其實唔算好適合，你喺呢行（演藝圈）好易有超大壓力、超大難題、超多阻礙，會冇方向，呢個行業同你唔算好近，你會做得比較吃力，反而同老師呢個行業緣分較近，可以做多啲教學方面工作，只要喺演藝元素加入教學，會有另一番睇法。」蘇韻姿聞言，表示現階段正正從事教學工作。
雲師傅又指蘇韻姿性格比較奔放開朗，命格帶着「錯誤」，說話上容易辭不達意，「說話會唔覺意得罪人，有時講嘢少咗一份考慮，衝口而出，必然容易講錯嘢。」身旁蘇韻姿無奈笑說：「我一路都講緊錯嘅嘢，哈哈。」
雲師傅續說，指蘇韻姿自2022年開始不太開心，因為今年犯太歲，所以是非特別多，而且徒勞無功，蘇韻姿聽後不禁歎氣，幸好雲師傅說今年下半年她開始進入黃金期，所有事情都會有點起色。
