無綫台慶劇《超能使者》昨晚（25日）一集首度驚現「黑化異能」！劇情講到一班「超能使者」趕到貨倉拯救被挾持的晴晴（林靖文飾），其間賀逸熹（陳國峰Penny飾）奸爆威逼眾人互毆，再命令手下糟質「超能使者」，更親口承認是殺死Q姨（唐詩詠飾）家姊喬若詩（楊卓娜飾）的幕後黑手。此言一出，逼使悲憤交加的Q姨爆Seed，激發出「黑化異能」，瞬間將所有「後遺病症」轉移至逸熹身上，令他當場斃命。
談到拍攝爆發「黑化異能」一幕，監製文偉鴻（Jazz）透露當日由晚上9點直踩至凌晨5點，本來打算拍完大量動作場口便收隊，好讓詩詠唞足精神到翌日才拍餘下的爆Seed及喊戲，豈料情緒到的詩詠堅持繼續拍，最終一Take過完成，Jazz亦大讚她專業：「詩詠真係有超能力，係完美情緒操控師，嗰段戲拍咗20分鐘就搞掂，佢演得真係好好！」
至於飾演高勇的陳山聰於劇中一度被人以膠袋笠頭，狀甚痛苦，他透露當日是「真．笠膠袋」閉氣拍攝，「因為我跑開步、肺活量大，所以頂得住，亦冇辛苦感覺，同埋監製、武指都喺現場睇實，我一頂唔順就會打Signal，所以都唔驚。」壞事做盡的逸熹終於Game Over，網上一片歡呼聲並大叫抵死。對此Penny笑言：「我覺得賀逸熹死十次都唔夠！好多街坊同朋友都話我（角色）好衰、差啲用粗口鬧我，但我好開心、好有滿足感。」他近年成為「御用反派」，卻沒有想過下一套劇能扮演正派角色，「我唔會諗住『從良』㗎啦，我沉醉於反派角色裏面，因為發揮係多啲。」
這一集的另一焦點是高守（林子善飾）激發超能力的過程，非常切合其搞笑人設。劇情講到高守教阿七（伍樂怡飾）剪電線，大懵的阿七竟遞錯沒拔去電源的電線，害高守當場觸電倒地；結果在阿七瘋狂掌摑、亂按心口及人工呼吸下，高守大難不死，並成功解鎖「讀心異能」，意外「竊聽」到阿七暗戀自己兼迷戀其「爆肌Body」的少女心事，最終二人亦順理成章發展成情侶。
對於獲網民大讚角色喜感十足，子善回憶拍攝被阿七急救一幕時，至少捱了對方二、三十巴，更要每一下都摑到「砰砰」聲，但他認為大家睇得開心也值得︰「我叫佢認真打一次好過NG打好多次，然後我哋傾好佢點打、我點順住方向擰個頭，點知佢太緊張忽然反手打，我塊面食到應晒，打到我都滿天星。」提到「讀心異能」似乎比其他使者的技能較弱，子善即搞笑反駁：「我覺得讀心術都唔弱，對於之後劇情仲有好大嘅功能，係令成件事扭轉添，想知係點就繼續追睇啦。」
