（Osanna）憑《逆天奇案》飾演「妹頭」一角嶄露頭角，正在播出她有份參演的續集同時，Osanna今日（10日）在社交平台分享入行11年初嚐擔任代言人，為美胸代言人拍攝廣告的火辣身材花絮照片，大派福利！
Osanna透露首次在寒風下影泳衣照，凍到「騰騰震」：「第一次喺咁凍天氣喺沙灘著泳衣同婚紗拍攝，赤腳攀石涉水瞓岩石，樣樣都係新嘗試。」幸得老闆娘及團隊細心照顧，一cut機就給她穿上羽絨。
至於在《逆2》再以「妹頭」與觀眾見面，及再與視帝視后陳展鵬、林夏薇合作，不少粉絲都留言表示支持。Osanna很感恩跟展鵬帶領的A Team一齊成長進步，並感謝監製劉家豪賞識，在續集給予機會發揮：「呢個角色令我得到好多向劇中前輩們偷師學習嘅機會、同埋喜歡『妹頭』嘅觀眾，所以我非常感激家豪哥。要知道近年可以開拍續集嘅劇並唔多，而我短短11年嘅演藝生涯中，能夠在同一個角色一齊成長，呢啲機會真係可遇不可求。」
Osanna又透露在劇中最多對手戲的是莊思明，原來兩人早曾「交手」，「仲記得啱啱入行冇幾耐嘅一套劇，我係飾演思明嘅助手，雖然冇乜對白交流，但嗰陣時已經覺得思明好靚，同埋係一個好用心做戲嘅演員，所以今次有機會同思明做對手戲覺得好開心。」
