由鄧小巧主理的網上歌唱節目《Singaholic》來到第五集，今集請來剛宣布造人成功的連詩雅（Shiga）任嘉賓，大談生仔經及新婚話題。小巧問Shiga最「唔掂」老公陳家樂甚麼事，Shiga便投訴他不洗碗，「係唯一一樣要投訴。但我要澄清雖然佢唔洗碗，但因為我都唔洗衫，所以佢負責洗廁所、洗衫呢啲清潔部門，但廚房入面所有嘢就係我負責。」而小巧最頂唔順老公狂食西餐，Shiga憶述有次在家中問小巧想吃甚麼，她第一句便是「總之唔好西餐就得」，小巧隨即向Shiga大呻苦況，「以前冬天好鍾意招呼啲朋友嚟我屋企打邊爐，我今年係一次喺屋企打邊爐嘅經驗都冇！因為佢憎打邊爐，佢問why？『點解你哋可以煎、炒或者燒啲嘢，點解你哋要烚熟佢呢？』」
談到生育問題，即將成為母親的Shiga表示，婚後每次見到親朋戚友的第一句說話就是「幾時生仔？」小巧即謂：「個個都話有仔趁嫩生。」現年35歲的Shiga即笑謂：「我過咗嗰個『嫩』啦。其實我係一個幾大唔透嘅細路嚟，不過有啲人生咗反而打理得頭家好好，有啲好成熟嘅反而搞唔掂，所以我就話when it comes you”ll be ready.（當他來到時，你會準備好。）我嘅心態係隨緣多啲。」
Shiga唱完講述母親的歌曲《雲吞》後特別感觸，談到母親做過一件最令她感動的事時，她說：「我係媽咪湊大，佢係經濟支柱，我哋係相依為命，所以以前唱情歌係好觸動到，但原來人去到另一個階段，經歷多咗，人愈大，屋企人愈嚟愈老，要經歷生離死別。我好慶幸我媽媽仲喺我身邊，但因為佢年紀真係比較大，佢40歲先生我，所以我一路唱呢首歌同埋睇MV嘅時候，最初好激動唱唔到，歌詞令我覺得好有共鳴。」