鄭秀文笑鄧麗欣執過「蜜桃臀」 送親製水泡餅頸鏈鼓勵復出樂壇

 

天后鄭秀文（Sammi）日前在第五場（17日）「You & Mi 鄭秀文世界巡迴演唱會2023」，邀請「第42屆香港電影金像獎」「最佳原唱歌曲」得獎電影《填詞L》主題曲《填詞魂》作曲兼主唱者謝雅兒擔任表演嘉賓。

Sammi身穿Monica Ivena 香檳色水晶高級訂製晚裝亮相介紹謝雅兒出場，雅兒說：「阿媽，我得咗啦！」Sammi攬着她說：「嘩，你緊張到成個人震晒！唔使驚，大家都會支持你，每個人都有做過新人嘅階段，每個人都需賈被肯定、被認可，今晚舞台就同你分享，希望你盡情展現自己。」即使Sammi的長裙不便走動，但她仍不理儀態一手抽起裙擺，一手拖住雅兒走勻舞台合唱《默契》。雅兒又激動感謝Sammi提攜：「我細個屋企比較窮，只收藏一隻唱片，就係Sammi嘅《終身美麗》。我媽媽依家應該喊晒！」Sammi開心表示：「你咁有taste，所以今晚得到呢個機會。今年金像獎頒獎禮見到你攞獎我好感動，諗返我自己喺金像獎呢個旅途上都掙扎咗好多年，見到你攞獎嘅激動、真情流露，唱歌時嘅真摯，深深打動我！我哋都係追夢、都係夢想成真嘅人，所以唔好放棄！」雅兒獨唱《填詞魂》時，觀眾大叫「加油」，場面感人。

昨晚（19日），Samm在第六場演唱會上，回顧過去十次提名而落選金像獎最佳女主角獎的電影歌曲和感言時，觀眾席上GiGi梁詠琪感動落淚。

Sammi昨晚又換新裝，她穿上特別訂造的紫色長裙，介紹表演嘉賓鄧麗欣（Stephy）出場並合唱《親密關係》，唱畢Sammi笑指Stephy新封號，「你依家叫『蜜桃臀』喎，咁勁嘅，係咪執過嚟？（我要學你嘛！）我邊有？我巨臂、我大隻之嘛！（我練錯咗地方）」兩人大笑。她們雖然工作上幾乎沒有交流，但私下卻經常IG私訊分享飲食喜好。Sammi拿出禮物盒，「平時係嘉賓送禮物俾我，但我今日有嘢送俾你。你同我一樣好鍾意食啲又脆又乾嘅嘢，又唔鍾意飲水，濕嘅嘢、有汁嘅嘢我唔鍾意食。」 原來是一串Sammi親手製作的水泡餅頸鏈，還即場替Stephy戴上，說：「係咪好有心思？我親手揀、親手串，搞成晚架啦！」Stepy表示很欣賞：「中間有窿嗰啲特別好食架！」Sammi鼓勵她：「聽講你復出唱返歌，大家畀多啲掌聲！」然後Stephy演唱《不要離我太遠》。