Sammi拍片解說外，也顯示狀態非常好。
鄭秀文（Sammi）去年因受長新冠影響，原定2023年7月在紅館舉行的13場演唱會宣布延期，並於同年11月發布補場消息，落實於2024年7月12日開始舉行。
演唱會還有不到一個月就舉行，Sammi為入場歌迷親身拍攝短片，解說演唱會門票入場安排。精神爽利、聲音明亮的Sammi說：「經過咁多個月嘅休息，阿Mi已經準備好自己嘅身心，今年入返紅館，為大家補做返《You & Mi演唱會》！」然後她親自解說入場小貼士，以購買去年2023年門要為例，如門票是2023年7月14日的，只需將手上的日子提前2日，即今年入場看的日子是2024年7月12日。她說：「記得將你手上睇嘅日子提前2日，就係你今年入場睇嘅場次。簡易咁再講多一次，揸住2023年門票嘅朋友係唔使換票嘅，只需要將你手上嘅日子提前2日，就係你今年入場欣賞演唱會嘅日子。」
Mi特地告知大家入場安排。
至於另一批手持2024年替補場次門票的觀眾，只需跟隨票面所印日期進場。最後Sammi說：「多謝大家嘅包容同支持，多謝！阿Mi一定會加倍努力，有幾多俾幾多，7月紅館見！」
Mi話到時會有幾多俾幾多！
