由郭偉亮(Eric)、師兄劉浩龍、陳欣茵（欣茵）同陳若思（Amber）主持的《鋪鋪Poker》，今集請來兩位嘉賓，分別是旅遊節目《解風東京》的杜如風；另一位是在劇集《新四十二章》中有破格演出的糖妹（黃山怡）。
節目開始Eric毫不客氣，率先爆杜如風的黑材料︰「倫仔（杜如風）其實呢15年所有人都放棄咗佢，佢係一個冇責任感、淨係顧住玩、從來唔守時嘅人，約佢今日可能第二日先到，好離譜。」不過令Eric震驚的是，今日的杜如風已變得事業心重，有規律及準時，杜如風解釋原因︰「我冇遲到幾年喇，係喺我開始冇乜嘢做嘅時候，覺得自己係咪應該做返好啲個人呢，而家我有早到㗎。」
杜如風接受訪問時講到「倫仔」一名的由來︰「花名嚟，我英文名叫Helen，即係海倫個倫，所以叫『倫仔』。嚟緊再《解風》第二度，而家諗緊。之前代理過日本甘酒，不過因為疫情太犀利，所以冇再續約。暫時事業心擺咗喺拍旅遊節目，今次減咗20磅去拍，先做好節目再睇機緣。」
另一位嘉實糖妹原來是「神婆」一名，開局前已算定今年財位來自南方，所以揀定位坐。雖然如此她依然連輸幾鋪給欣茵，她們原來在剛播完的劇集《新四十二章》中，有不為人知的連繫，欣茵曾為糖妹擔任替身，糖妹笑說︰「武打有替身，原來文戲都有替身，以為我咁勁有文替呀，因為咁啱一拍完我就走咗，導演要搵人借返個膊頭。」欣茵透露拍時要戴返糖妹的齊蔭頭套及衫，出來的效果非常好，欣茵話︰「雖然一啲都唔似，不過導演話唔錯，呢個身高fit。」 糖妹補充︰「頭先度個係一樣（高）嘅，真係有啲淵源。」
糖妹首次拍動作劇，事前公司提供了一個月訓練包括吊威吔、學拳同耍劍，她笑言矮人舞劍有好處，因為手短刺出去最多是不夠近，絕對不會傷到人︰「唔夠近咪企前啲嚟過。」至於唱歌及演戲二者揀，糖妹較貫徹始終，選擇前者。
今集尾聲糖妹問起杜如風將來結婚，有否打算生小朋友，一旁的Eric搶答︰「我諗做佢（杜如風）嘅小朋友都唔想出世。」難得杜如風和應「都幾大鑊㗎」。不過師兄話又未必，他爆好友Yumiko（鄭希怡）結婚前視小朋友為天敵，務必要整喊身邊細路為己任，想不到她會選擇生兒育女，照顧女兒「梁浸浸」無微不至。