鍾柔美（Yumi）、周吉佩、馬浚偉、施匡翹等今日（1日）出席新城廣播網絡電視「MBO TV」記者會，Yumi表示即將入劇組拍新劇《卧底嬌娃》，飾演邵美琪女兒，「好緊張，雖然細時都有上過演藝班，亦有演過一些小角色，但始終演戲唔係我強項，又第一次真正演正劇，所以都有壓力，呢排都有在家練習一下表情，但其實記劇本重難過記歌詞，只可以盡我所能，我會當歌詞去記，因為我口才唔叻，唯有加倍努力。」
目前準備年底舉行個人演唱會的周吉佩，「心情好緊張，要有好多嘢準備，目前主要做新歌，因為今年會推出兩首歌，八月尾又會同幾位《中年好聲音》嘅歌手出發到美加登台幾場，所以時間分配很重要。（演唱會騷肌？）唔敢講，真係操到先除喇，操唔到咪若隱若現囉，但無特別話要騷幾多，我都明白買飛入場嘅歌迷都想視覺上會好啲，大家都想睇呢啲，但我怕有壓力，惟有盡力喇。」
更多現場圖輯：
