陳健安日前與過百「族人」（安仔粉絲暱稱）開Party慶祝生日，亦是自官方歌迷會「本原族」成立後第二年舉辦生日會。「族人」精心佈置場地，送上安仔在演唱會上的小王子造型生日蛋糕。壽星仔亦送上驚喜回禮，獻唱未派台新歌，與「族人」玩遊戲時更掀回憶殺，當中2010年C AllStar勇奪「叱咤樂壇生力軍金獎」時的合照，成功勝出比賽。
在「挑選安仔黑圖」環節，瞇眼、張嘴、反白眼樣樣齊，安仔笑得開懷再跟「黑圖」合照，場面爆笑。他說：「見到佢哋揀相嘅過程，從來未見過佢哋咁開心。佢哋開心，我就開心。」
眾人合唱生日歌後，壽星仔許願時誤將「蠟燭」說成「火燭」，全場爆笑。「小族人」更連環送上Birthday Kiss，𠱁得安仔非常開心。談到今年的生日願望，他說：「上年嘅生日願望係開到第一個個人騷，今年實現咗。今年嘅願望係繼續做音樂，希望嚟緊可以喺唔同場地開騷，不過唔急，儲下啲歌先。今年嘅歌齊全，下年嘅歌都有啦。」
生日會尾聲，安仔逐一為「族人」簽名兼合照，更獻唱未派台新歌大派福利。至於眾多的禮物中，安仔特別喜歡戴上生日帽的「卡通安」別針，他即場扣上笑說：「佢哋知道我好鍾意Pin，成個背囊都係。呢個Pin係刺繡，好靚好精美。」
