陳山聰陪囝囝開學。
陳山聰的兒子霆軒（Jaco），原本就讀北角的聖保羅堂幼稚園在新學期停辦，改為跟中環學校合併，所以升上K2的Jaco，新學期轉到中環校舍，重新適應環境。陳山聰今日（3日）在社交網，分享Jaco這位K2小男孩開學照，留言：「精神！大佬又進入人生另一個階段、希望你K2繼續努力探索，繼續健康快樂成長、繼續係校園開開心心學習」。面對鏡頭醒目淡定的Jaco，獲媽咪、「姑姐」陳敏之、陳自瑤、姚子羚、周柏豪等都留言祝開學順利、開開心心，榮升爸爸的袁偉豪則搞笑指：「以為係二年級」！
至於李璨琛太太Sophia則分享大女李元元（Lucy）當「小學雞」的開學照，留言：「李元元終於要做小學雞，長大咗嘅應該係李老母，終於沒有分離焦慮症，亦竟然沒有依依不捨，因為我知道，屋企仲有個細嘅俾我玩，yeah #有人竟然6點半自己彈咗起身 #返到屋企我問我個女 #你有冇漏咗帶啲乜嘢 #佢答我 #你咩都漏晒呀媽媽 #老師話我又冇家課冊又冇通告又冇乜乜盛盛 #條友仔而家成日學我講盛盛」，照片中穿上新校服的阿Lu招積又開心，但校服看似太大了，Sophia即澄清：「今次真係唔關我事㗎，買校服姨姨幫我預㗎」！
Lucy寃有媽媽湊返學。
