陸詩韻（Sharon）淡出幕前轉型從商，創立了網店主理日本護膚品牌，最近生意更衝出亞洲。日前，Sharon化身「生招牌」為網店拍攝廣告，為配合天然的主題，她更「豁出去」以素顏上陣。
Sharon今次安排了五個造型，當中更騷長腿露香肩，更不惜拔除植下多年的眼睫毛，就連自己亦表示看不慣：「起初望自己都唔太習慣，後來望望吓感覺都唔
差，最好笑係我可以見返自己啲真嘅眼睫毛。」有指疫情期間，Sharon的公司直播半小時營業額已破百萬，她坦言網店生意的確不錯：「批發上的生意是受影響，但網上生意OK，不過喺過去一年，生意上出現飽和情況，所以自己都會有啲壓力，要反覆思索點樣可以做得更好，一定要居安思危。」
Sharon即使轉型從商但仍沒有放棄演藝事業，她說：「對幕前工作依然有興趣，其實對上一次拍劇已經係兩年幾前《熟女強人》，諗諗吓而家都有啲技癢，但都要視乎時間同角色配唔配合到。」除了拍劇，Sharon最希望參與真人騷：「好多人問我平時係咪唔著波鞋，因為成日都見我著高踭鞋，又會問我係咪瞓覺都set住個頭，所以我想拍真人騷，俾大家知我原來唔係咁，想將真實嘅自己呈現。」