《隱形戰隊》下周進入結局周，昨晚（7日）一集高潮迭起，兩大好戲之人江美儀（Madam Fong）及陳展鵬（匡勝天）先後進行三次「正邪大對決」。經過三輪正邪角力，匡勝天先贏一仗，成功洗脫殺人罪名無罪釋放；Madam Fong則因遭Ben Sir （胡諾言飾）指證，涉嫌俾假口供而需即時停職受查。Madam Fong回警局執拾細軟時，暗地叮囑Ocean（馬國明飾）警隊有內鬼，讓Ocean着手調查；而聲稱因Madam Fong坐足八年「冤獄」的匡勝天，自然亦未就此罷休，於無罪釋放當日與Madam Fong唇槍舌劍一輪後，即正色宣戰：「我出得番嚟唔會俾你過得咁舒服。」
匡勝天與Madam Fong的正邪對決自然成為昨晚焦點，兩大好戲之人不但氣場不相伯仲，眼神變化更是出神入化，尤其被譽為「隱形MVP」的煎Pan，昨晚更施展渾身解數。煎Pan造型多變，除了繼續有陰森監獄Look、還有知性心理醫生Look、好身手殺手Look及風騷出獄Look，當中煎Pan的眼鏡Look更獲讚斯文兼有新鮮感。另外，煎Pan的眼神放題亦是相當精彩，除了與江美儀的對峙勁有氣勢，當他得悉小柔（趙璧渝飾）是卧底時的「睇我點收拾你」眼神、應付傳媒時裝作善良豁達的眼神、面對質疑時擘大眼講大話的眼神，均相當入戲，尤其在法庭對決中，煎Pan憑數個眼神「郁動」已成功呈現「勝券在握」狀態，演奸角演得如此輕鬆，難怪網民大讚他奸得有型。
昨晚另一獲不少網民讚賞的，還有飾演匡勝天辯護律師的蕭徽勇，勇哥在法庭上機關槍掃射般的雄辯滔滔、以及振振有詞的狀態，成功令網民留下深刻印象，留言大讚：「律師演技好好」、「好鎮定」、「好有Point」、「律師有氣勢」。監製文偉鴻亦在社交平台發文稱讚：「唔係每個人都有氣場食得住視后，仲要係超有霸氣嘅江美儀，TVB的確臥虎藏龍！介紹返，呢位好演員蕭徽勇，佢仲要係一位好出色嘅配音員。」
雖然昨晚一集劇情如此緊湊，但仍不乏輕鬆甜蜜位，就是邢風（劉穎鏇飾）與Cool Sir（陳山聰飾）的感情線。由於Cool Sir「牛皮燈籠點極唔明」，邢風最終與寶寶（唐詩詠飾）夾計整蠱Cool Sir，終成功令Cool Sir放下包袱主動拉着邢風來個情深一吻，令網民大嗌浪漫之餘，更錯重點指接吻景點好靚。
