麥美恩（Mayanne）將於本月（28日）迎來36歲生日，早前她與戴祖儀去了韓國拍旅遊節目，寓工作於娛樂。完成拍攝工作回港後，獲好友周奕瑋、駱胤鳴與老公及緋聞男友許文軒（Edmond）預祝生日。
好友們為Mayanne準備了兩個蛋糕，令她感到相當高興和感動，更一度呈現「冧爆」表情！Mayanne留言：「等咗三年，三年啦……終於可以齊人食飯仲要同我慶祝生日，感恩有你地（哋），呢幾年多謝有你地（哋）陪伴，陪我玩、陪我傻、陪我發夢，人生有個真正癲友的確好極，最後影大合照都要玩野。」
相中所見壽星女拿着一束鮮花開心得笑逐顏開，而周奕瑋就指紮花不是他準備，自己甚麼都沒有做過，只說了句生日快樂。雖然Mayanne沒有明確表示紮花是誰人送，但她謝謝駱胤鳴與老公送的樹人鑽石公仔，因此相信鮮花是由緋聞男友Edmond預備。不過，Edmond之後在IG上載與Mayanne合照，搞笑指沒有送花給她，更祝Mayanne快啲嫁得出：「見我哋兩個企到離行離列都知咩事啦！紥花唔關我事，個蛋糕都唔關我事（但好好味），隻戒指更加唔關我事！既然成班咁好朋友，又咁耐冇聚過，梗係要開心下啦！祝生日快樂！快啲嫁得出啦！」
雖然二人都指大家是朋友關係，不過在大合照中，Mayanne與Edmond一起站在中間位罝，女方更搭着男方膊頭，令一班網民都大讚他們十分合襯。
相片來源：麥美恩@Instagram