黃淑蔓（Feanna）今天（8日）踏入23歲，其全新Sweet爆情歌《我的受保護動物》MV同日上架，雙喜臨門！今次新歌MV大玩男友視角，講述情侶間的甜蜜日常 ，Feanna盡顯可愛調皮一面。
《我的受保護動物》MV於清水灣大宅內取景，並以男友視角拍攝Feanna的生活日常。穿上居家服的Feanna表現得非常鬼馬，一時以喇叭充當咪高峰落力獻唱、一時又披上被單原地轉圈，現場笑聲不斷。Feanna表示以男友視角拍攝MV是自己的主意，「如果同我拍拖嘅話，可能就會見到咁樣嘅我，好溫馨、好搞鬼。」
Feanna還帶同愛貓Michi客串MV，「我隻大貓以前已經同我拍過一次，就係《致未來的我》。今次就輪到我新養嘅貓貓Michi，佢係一隻橙色嘅貓，我會同佢喺房拍啲互動嘅Shot。」除Michi外，跟Feanna有對手戲的還有柴犬「阿一」。牠不但完成所有指令，即使美食當前，狂流口水的「阿一」依然能等到Cut機才進食，𠱁得Feanna非常開心對狗狗讚口不絕。她說：「佢好乖好合作，係我見過最乖嘅柴犬，狗嚟講佢真係好乖、好乖。雖然佢有少少為食，有啲Chubby，但我好鍾意Chubby嘅嘢，所以我啱啱同『一姐』玩得好開心。」團隊隨後移師到沙灘拍攝，Feanna以孖辮牛仔造型示人，大曬青春甜美氣息。
新歌歌詞道盡熱戀中的少女心事，Feanna大讚填詞人陳詠謙寫得好，不過其中一句「來日再演妻子跟丈夫」就令Feanna高呼「好驚」。她笑說：「好驚大家以為我好想嫁，唔係嘅，純粹係戀愛腦女仔嘅一啲心事。呢首歌係《戀愛腦之死》嘅前傳，大家記得聽《我的受保護動物》啦。」