《三個女人一個「因」》早在二零一六年完成拍攝，本應會緊接《不懂撒嬌的女人》播出，但臨時被抽起，改播《蘭花刧》，現在順延至二月面世緊接《性在有情》播出。這部劇集是一部時裝愛情劇，以韓劇《Kill Me Heal Me》作為藍本，講述出身於司法世家的方以因（黃智雯飾）童年遭逢家庭突變導致多重人格，但她一直選擇對外隱瞞，只有母親得知她的病情。直至有一天利東佳（袁偉豪飾）得知這個真相，便逼方以因聘請他成為政界實習生，從而發展出縱橫交錯的感情線。
黃智雯在劇中飾演一名精神分裂的病人，平時的她是一名律師，而另外兩名人格則分別是飛機師Pina Colada和宅女阿愁。由於她的人格是不定時出現的，所以會在劇中引發不少笑料，例如在法庭上突然轉變人格，由律師的專業形象煥身一變成全職宅女阿愁，真係聽落都亂過《亂馬1/2》。
對於一人分演三格，黃智雯真係出施盡渾身解數，因正經、貪玩同宅三個元素幾乎大鑬扯唔埋，要短時間內極速抽離絕對唔係一件易事。而黃智雯亦表示拍《三個女人一個「因」》對於佢嚟講係一個好大嘅挑戰，好希望坐喺熒幕前面嘅觀眾都可以睇到佢嘅用心同演技上嘅進步。至於劇集一次又一次被順延播出，她則表示時勢做英雄，播出的時間性最重要，唔一定拍完即播係最好。
袁偉豪對上一部無綫劇集已經要數到《使徒行者2》，今次係《三個女人一個「因」》再次搏到盡，繼犧牲半邊八月十五後，在劇中飾演利東佳（袁偉豪飾）大膽嘗試跳脫衣舞色誘黃智雯，就算未睇到畫面已經想像到情景有幾香艷。對於《三個女人一個「因」》拍完成年都未出街，袁偉豪就表示都係要睇公司安排，而佢亦相信公司會安排個最好時機播出節目。
圖片來源：互聯網