今日係江美儀四十七歲正日生日，最近忙於拍攝劇集《殺手》的她，雖然要在工作中度過，但都有不少圈中好友同佢慶祝，其中於劇集《誇世代》飾演她兒子的余德丞（Dickson）就專登送上生日驚喜，病癒後嘅 Dickson，昨日帶埋生日蛋糕去探班，仲錫咗美儀一啖，同場還有監製陳維冠及龔嘉欣一齊慶祝，難怪江美儀表示不介意於工作中度過，她說：「生日的驚喜，就是我個仔突然嚟探我班，仲買咗個蛋糕同我慶祝生日。我最窩心的生日禮物，就是他健健康康站在我面前。多謝你呀德丞，多謝你阿六同監製Joe!」
病癒後的余德丞都相當活躍，除了昨日為「阿媽」慶祝生日之外，前日又在電視城出現，仲巧遇嘟姐(鄭裕玲)，兩人更開心合照，其實他慢慢已開始投入工作，下周四更出席護膚品活動，正式復工。
圖片來源：江美儀@Instagram